自從修咸頓領隊朗奴高文俾愛華頓撬走咗，「聖人」喺搵新帥時就令人覺得佢哋係亂石投林。點解咁講？因為繼傳出聖人會搵前曼城教頭比歷連尼、法國籍教練佩爾同費倫巴治教練彭利拿後，最新傳聞係佢哋睇中咗前森多利亞教練辛格（圖）。辛格喺球員時代係出色嘅門將，不過做咗教練之後都冇乜功績，外界都頴晒頭唔明點解聖人會搵佢；但56歲嘅辛格就好有信心自己可以登陸英超喎！