騎士反勝拎總冠軍，老將謝菲遜（Richard Jefferson）完美告別球員生涯宣佈退役。今日36歲生日嘅謝菲遜，今季先嚟到騎士做後備，喺職業生涯最後一戰贏到佢嘅首個NBA總冠軍，總算一償心願。喺周日嘅第七戰，佢都打咗26分鐘，入咗兩分同埋搶到九次籃板。賽後佢親口同記者講：「點解你仲同我講籃球，我已經退役嘞。」謝菲遜喺2001年起打NBA，效力過網隊、馬刺同勇士等球隊。