禮拜三谷草賽事用C欄，睇番最近4月27日同一移欄賽事，又係前置馬世界，當晚頭馬全部守前五位入直路勝出，其中「旅遊多寶」、「風火勁駒」及「幸運歡笑」更加放頭帶到，買後上馬真係猶如倒錢落海，具前速馬仍然要優先留意。今戰列陣馬中，第七場「風火勁駒」兩次跑谷草均不勝有位，其中贏馬一役正是在C欄所得，重返強項排埋二檔值得睇好。另外，第二場「氣勢如虹」是全場唯一贏過谷C欄1000米之參戰馬，累積五戰獲一勝三位一殿，強配莫雷拉咪睇小。