傑志喺季後附加賽決賽贏咗冠忠南區，下季可繼續踢亞洲賽，但之後冇傳過組軍消息。其實高層已經低調做嘢，除咗決定球員去留，亦為鄭展龍、顏卓彬同播磨浩謙等廿幾個青年軍安排特訓，又設計營養餐單畀球員（圖），等佢哋暑期練好啲。總領隊伍健噚日話，球隊下月13號會開季前記招，之後隨即開操；人腳方面，會有幾名新援加盟，亦有球員外借友會，詳情稍後公佈。