法國對瑞士場A組賽事冇波入，同組兼同時間舉行嘅羅馬尼亞鬥阿爾巴尼亞就出現1:0戰果，但贏波嘅唔係賽前被稍為看好嘅羅馬尼亞，而係賽前零分兼零入球嘅阿爾巴尼亞，憑阿曼度沙迪古喺上半場末段頂入該國史上首個歐國盃決賽周入球贏1:0，以三分完成分組賽，雖然仲未知道可唔可以成為其中一支最佳小組第三名出線，但賽後全隊上下都已經好似捧盃咁開心（圖）。