大帝終於兌現承諾，為家鄉克里夫蘭拎到一個總冠軍！雖然總決賽第七場係勇士主場，但騎士贏波之後，好多騎士球迷都出咗克里夫蘭市面慶祝，仲有成班球迷開心到爬上消防車㖭。騎士球員禮拜一朝早啟程返去，中午會到機場，到時會有歡迎儀式。喺騎士嘅聲明入面話，機場有大把車位同地方，歡迎多啲球迷去接機，而騎士周三就會喺克里夫蘭舉行勝利巡遊，相信到時氣氛仲high。