謝瑞麟（417）每年嘅年報都令人期待，事關管理層好有心思，次次度新造型影相，往年玩過夾band、着皮褸揸電單車，創辦人「大謝生」謝瑞麟仲扮過美國歌手Bruno Mars嘅造型㖭。今年謝瑞麟本年報就「玩手指」，以承諾與婚戒做主題。大謝生繼續靚靚出鏡，齋睇年報呢張相，點講都冇人信佢係79歲老人家喇。嗱，一係大謝生保養得好，否則就要歸功於負責執相嗰位仁兄，佢實在太愛大謝生了，大謝生連雙眼皮都好似深咗㖭呀。反而謝家新抱、公司主席邱安儀就真係似番45歲，睇落面部仲有少少紋，靚婦人一名。
