林海峰、鄭中基、楊怡及樂基兒等，昨日在尖沙嘴出席nowTV公佈第三季節目內容活動，楊怡夥拍足球員謝德謙推介體育節目時，直認對謙字特別有好感。離開無綫後首次亮相其他電視媒體的楊怡說：「冇乜唔同，自由身，眼界多啲。」有傳她的死敵胡定欣爭演《溏心風暴3》，楊怡說：「講到宮廷鬥爭咁，劇本啱有機會合作，但我想搞好自己婚禮先。」
為活動設計了笑臉圖像的林海峰，談到父親節時說：「佢哋（女兒）可能會畀驚喜我，其實早啲瞓已經係好好禮物。」對於商台DJ當奴早前遇襲，他謂：「𠵱家反而驚點樣網上招呼你，希望我開騷時佢哋湧晒出嚟啦。」鄭中基則透露收到囡囡自製筆座和紙卡領呔禮物。
採訪：卓寶花
攝影：仇志德