今季美職聯常規賽打咗成十幾場，今日38歲生日嘅林柏特喺上周六對費城聯先至今季首次幫紐約城正選上陣。難得踢正選，林伯當然落力啦，開波八分鐘就先開紀錄，呢球亦係佢今季第一球；佢仲喺43分鐘攞埋第一面黃牌㖭！之後韋拿喺21分鐘攻入個人聯賽第11球，加埋派路喺50分鐘射入罰球，最後紐約城主場贏3:2。林伯季初俾紐約城球迷噓到暈，家陣入波幫球隊贏波，兼結束費城聯喺常規賽嘅八場不敗走勢，總算幫自己攞番啲印象分啦。