先達生意差，好多人都知！可能就係呢個原故，場內舖頭進取心都明顯加強了！
話說6月17日SAMSUNG Gear Fit2開始派貨，行貨標價為$1,798；不過先達這邊明顯有人打「非正路牌」，在開賣首日馬上落價為$1,498，差價足足$300！要用當然可以馬上購買，不過後市價格可以下試到甚麼價位？真係令人相當期待。
Gear Fit2功能其實不差，機身行SAMSUNG自家TIZEN系統，可以對應android系統手機，錶身還內置GPS全球定位系統及心跳感應器，可以準確量度用家的跑步路線，再計算出距離、步速以及所燃燒的卡路里等資料，相對沒有定位系統的可穿戴式設備，Gear Fit2就算在沒有手機連接情況下，亦能顯示實時運動數據，感覺更適合真心熱愛運動的用家。
其它功能還包括接收來自智能手機的即時提示，如來電、短訊、日程等，另外還有獨立音樂播放器，論性價比其實相當高。
查詢：PHONEBOOK（旺角先達廣場1樓F17舖 ）
記者、攝影：朱崇德