歐國盃C組嘅德國雖然未攞到16強資格，但有四分加上周二對手只係北愛爾蘭，所以教練路維上周六就畀班球員放假，其中舒韋恩史迪加同湯馬士梅拿就去打高爾夫球，仲玩得鬼咁開心。另外，今屆決賽周參賽球隊由16隊加到24隊，但就冇想像中咁刺激，入波仲好少。路維話罪魁禍首係歐洲足協，皆因第三名都有機會晉級，所以啲弱隊就打死守足球：「有啲球隊好注重防守，而且表現得好好，但16隊始終係最理想嘅參賽隊數。」