基沙文日前被人發現，喺歐國盃期間搭飛機嗰陣，玩足球經理人電子遊戲《Football Manager》，而且仲要係用盛傳想將佢收歸旗下嘅車路士，搞到英國傳媒又幻想，話佢係咪想離開馬德里體育會轉戰英超，所以先藉住呢款電玩去了解吓啲新隊友。不過，呢位25歲嘅法國射手似乎都怕咗呢類轉會傳聞，所以佢喺上周六就急急拍片澄清，話自己喺遊戲入面係用法甲球隊里昂，而唔係用車路士，仲嗌大家唔好諗得太多喎。