經歷過上一代有隔膜的教導方式，錢小豪選擇跟13歲囝囝錢穎德（Tinsley）以朋友方式相處，從小給予Tinsley自由度，兼推介自己熱愛的運動如泰拳、小型賽車、越野單車等，他笑說：「可能DNA關係，佢對我介紹運動全單接收冇退貨。」
Tinsley近年對泰拳興趣日濃，父子從擂台傾到賽車場，小豪哥坦言當中有私心，他說：「我將自己興趣介紹佢玩，大家就會多咗共同興趣，相處時間又多啲，如果唔係佢到17歲後就搵朋友唔搵我。」
似好朋友
Tinsley眼中的爸爸是否開通？他爽快答：「正是，跟同學家長唔同，自由好多。」小豪哥乘機再問囝囝怎樣看他，Tinsley說：「好朋友。」令小豪哥興奮大笑。培育多方面運動，小豪哥希望藉此鍛煉囝囝鬥志及待人處事態度，當你坐上小型賽車面對十幾位車手或走上擂台對戰，怎樣去克服眼前問題，相信累積這些經驗會令他人生路無往不利。
撰文：馬建華
場地提供：旺角FFG武術健身中心