又到畢業季節，唔少畢業生都會拎埋畢業袍周圍影畢業相，要影得好，除咗化靚個妝，當然仲要顧及周邊細節，攝影師蕭國煒（Sam）教路，想知影畢業相要留意啲乜，等佢話你知。
1.衣飾：畢業袍的色帶很易滑落，拍照時要帶備扣針固定位置。畢業袍大部份都係V領款，應該唔少人都會着有領恤衫，貪佢莊重啲，但記得要揀挺身質地，影出來會更立體美觀。
2.笑容：怎樣笑才可以不僵硬？Sam建議畢業生和親友到影樓拍照前，先對鏡練習會更自然，記得笑的時候，不要只是嘴笑眼唔笑，否則會好假好僵化。想笑得輕鬆，在攝影師按下快門前可先輕輕垂頭，拍照前再抬頭微笑，或者先把合眼，再張開眼睛微笑，笑容便會更自然。
3.親友：拍畢業照又怎少得親朋好友，互換道具，互笠畢業帽一樣好睇。但大家互動時記住小心整理畢業袍，否則裙甩褲甩便不好看。
4.道具：唔少人影相時都會拎花或公仔，想有啲新意嘅話，Sam就話有人試過拎LED燈牌，上面有不斷改變的字體和鼓勵字句；亦有人玩light painting，用發光物體畫出有趣圖案，都係有趣選擇。
記者：黃樂雯