高皓正和醫生太太陸凱兒結婚6年，育有4歲多長女純意和2歲多幼子神悅，正能量爆棚的高家今日會三代同堂慶祝父親節，姊弟搶先親親爹哋，純意更貪玩伸脷錫爸爸，阿正一臉尷尬，但這幕已令他樂透。一家在波波池中變得擠迫，但感覺溫馨。
阿正不敢給自己為人父評分，他說：「自己唔夠好，成日要學，一個家庭最緊要父母關係好，小朋友就會有安全感，咁就會幸福快樂。」阿正笑言要做強臂爸爸，因經常要同時抱起一對子女。陸凱兒大讚阿正是120分爹哋：「佢好愛小朋友，呢樣無價。」兩公婆計劃再生，純意希望媽媽生10個妹妹，陸凱兒聽後嚇窒，阿正笑言：「我能力上冇問題！」
撰文：陳杰
場地：Five by 5