插畫大師Joan Cornell笋以創作好黃、好暴力兼結局永遠無厘頭嘅六格漫畫見稱，首個亞洲個人展覽就揀咗喺香港舉行，而且門票一早極速售罄，弄得官方增設現場售票並延長開放時間。能夠令到香港人瘋狂搶飛，人人忽然藝術起來，靠的可能是要幾cult有cult的畫風，漫畫中無論是男是女個個都四萬咁口，但就做盡各式離奇、血腥嘅舉動，開槍、放火、斬人、虐畜乜都有齊。最重要嘅係，成幅畫一隻字都冇，認真耐人尋味。
35歲的Joan Cornell笋出生於西班牙巴塞隆拿，從前是個「正正常常」的畫家，2012年忽然轉投咗cult畫嘅懷抱，結果一夜爆紅，一躍成為明星級畫家。於是，他開始不斷創作，以弔詭荒誕的畫風、情節，曲線抽擊各種深刻議題，論盡政治、宗教、種族、社會現象，經常被人轉載。
雖然你會話：「無字天書，你話乜都得啦！」但係包括記者，全球有380萬人like咗佢個facebook，可謂魅力非凡。而佢本人自己，接受媒體訪問時，亦試過霸氣側漏咁講，話自己係行業嘅商標，甚至係超人。呢位咁出眾嘅Joan Cornell笋，2015年12月就發起網上集資計劃，將畫作變成動畫，實行由cult畫變cult片。今年3月，佢又去咗美國三藩市開辦作品展，除咗現場打晒蛇餅等入場，仲引到全球嘅fans流晒口水。
三藩市之後估唔到係香港，6月17日起就嚟到北角Connecting Space Hong Kong舉辦佢首個亞洲個人作品展，現場除咗插畫，仲有最新繪本《Zonzo》，Joan Cornell笋本尊亦會到場為大家簽名。想親身朝聖？機會嚟啦，飛雲！早啲到場排隊啦！
Joan Cornell笋個人作品展
日期：6月17日至26日
時間：上午10時至晚上10時
地點：Connecting Space Hong Kong（北角堡壘街18-20號華健大廈地下）
費用：$50
資料來源：Arrested Motion、Joan Cornell笋@facebook
記者：陳國棟
