靚仔又搞笑，James Franco真係可愛到犯規。偶像包袱？留比啲作狀男星攬實啦！James Franco無乜底線，mean精一名，曾暗示Anne Hathaway矯情做作；又自爆曾對Ryan Gosling有性幻想，敢言得大膽。
他日前上載了一張泳衣照上面書同大家講「夏天來了」，無錯，係女人兩件頭泳衣，仲要有花花圖案，仲要戴埋花環。粉絲尖叫同時留言：「點解你仲着得好睇過我？」只係上載了10幾小時已獲40幾萬like！有人說用性別劃分泳衣裝束無必要，認為他把泳衣穿出特別味道來。
男神主演的同志色情片《King Cobra》四月在美國上映，同時籌備翻拍1996年的電視電影《Mother, May I Sleep with Danger?》，並把本來異性戀情節改成she she戀。經常演出同志片的他，說自己「基到爆」，但絕對是直男。不過這名「最基直男」性取向無論是甚麼，總能俘虜女粉絲，腐女與非腐女，通殺。
記者：葉青霞
資料來源：James Franco Facebook
