商台DJ當奴（唐劍康）日前遇襲後，前晚復工開咪主持節目《聖艾粒忌廉夜校》，更在facebook直播節目，等fans可以一睹當奴的狀態，不過到饒舌環節當奴因狀態不好而甩beat。
當奴於昨日凌晨12時半離開，他在門外接受記者訪問，他說：「OK嘅，頭頂冇咁痛，自己洗傷口都OK。隻手做多啲動作，因為如果唔理佢（肌肉），佢會緊，但冇乜大礙，大家唔使擔心，唔該晒。」上的士前時他向記者合十道別。
前日少爺占出席馬天佑在中環的餅舖開幕時，談到拍檔當奴，他說：「我同佢講你唔好返啦，個髮型又唔係好睇，好似河童咁。我鼓勵佢剃光晒個頭。」
採訪、攝影：羅德光、梁繼光