新一屆立會選舉下月中接受提名，各大政黨都加大力度宣傳，交通工具係賣廣告嘅好平台，公民黨最近喺巴士車身同座位椅背落廣告，等大家隨時都見到幾個擬戰立會直選人士嘜頭。
八方問過公民黨，據知賣廣告嘅巴士約有幾十架，用咗幾錢就不便透露喎！而呢輯廣告口號係「實踐革新 逆轉未來」，有齊5個備戰者，包括港島陳淑莊、九東譚文豪、九西毛孟靜、新東楊岳橋同新西郭家麒嘅大頭相。
岳少自己喺fb擺咗個鬼馬pose（圖），宣傳呢批新款巴士廣告，hashtag「#似唔似補習天王」。如果係，咁佢哋教乜呢？Tanya教毅行，譚機師教射擊，郭醫生教脫毒，Miss Mo教法文。咁岳少呢？佢話教減肥。咦，乜佢有瘦過咩？