【本報訊】銅鑼灣書店店長林榮基返港後昨日首次現身，更爆出被囚禁期間的多項細節，包括看守人員為免他自殺，將牙刷及指甲鉗都綁上尼龍繩，使用時對方會拿着尼龍繩，防止他吞下牙刷或指甲鉗自殺。
「怕人困到癲咗」
林榮基表示，去年11月至今年3月一直被囚禁在不足300方呎的房間，房內的書枱及椅子包上軟布，水龍頭及牆身鋪上軟膠，「怕乜嘢呢？怕啲人困到癲咗，去自殺。好明顯嘅，真係會困到你癲……佢咁嘅預備好明顯係以前曾經有人咁做」。
林榮基又指出，看守人員分發給他的牙刷很細小，亦用尼龍繩綁着牙刷的一端；他每次刷牙時看守人員都會拿着尼龍繩，刷牙後要交回牙刷，「因為佢怕你吞咗支牙刷自殺」。
林稱看守人員同樣會在指甲鉗綁上尼龍繩，他剪指甲時，看守人員亦會拿着指甲鉗另一端的尼龍繩，以免他吞下自殺，「佢恐防你自殺嘅安全措施係做得好足，我睇落去係越睇越驚。一個人點會自殺？除非困到癲、精神崩潰先會做呢啲行為，咁佢哋係好有經驗」。
■記者陳沛冰