運動過後腰痠背痛、手攰腳軟好正常，但你有沒有想過，除肌肉疲勞外，運動還會影響身體哪部份的正常運作？
A.生殖器官
B.眼睛
C.髮根
D.腎臟
答案：
選A嘅朋友好衰㗎，題目又唔係問床上運動！正確答案係B——眼睛。我們進行劇烈運動時，肌肉燃燒能量，產生乳酸等代謝廢物，導致身體疲勞。同時，運動會導致中樞神經系統疲勞（簡稱中樞疲勞），例如眼球運動減慢，因為傳遞神經訊息的化學物質，在運動後會暫時失衡。研究人員以踩單車做實驗，發現志願者經過三小時運動後，眼球快速運動的能力減慢了8%。研究同時發現，攝取大約兩杯咖啡份量的咖啡因，有助抵消運動對眼球活動的影響。咁講法，下次同BB豬踩單車，沖杯咖啡邊跑邊嘆，唔知對眼嘅電力會唔會增加呢？
記者：彭海燕
資料來源：nature
