「話說我在A公司做了4年，最近去B公司見工，但大家係姐妹公司。B都請咗我，但係因為佢哋最近簽咗合約，兩間公司職員都要辭職半年後先可以去對面。仲有一個方法就係我部門阿頭肯放人。我都用了WhatsApp、面談、email嘗試同阿頭傾，但佢都話冇內部調職呢樣嘢，想幫但係幫唔到。因為我阿頭好憎B公司，而B公司HR話，只要我阿頭唔反對，佢就可以做嘢申請我過嚟，但因為B公司唔可以當面做呢啲嘢，要我自行解決我阿頭。雖然我都知阿頭耍我，但係我係咪只可辭職等半年？仲有咩方法可以叫阿頭放我走，因為佢email答一句agree就得，希望你能夠幫幫我啦，thank you so much！」
我想先搞清楚你去B公司見工之時，是否經已知道要辭職半年後才可以去姊妹公司做這個限制。但如果你話跟B公司傾談時，這個條款根本未有存在，你要跳槽應該大條道理，怎會搞到這樣兩頭不到岸的局面？但無論如何，AB兩間公司是姊妹公司，你阿頭好憎B公司，我相信是你一早就知道的事吧？題外話，怎麼我好像在答感情信箱？
你和阿頭的關係肯定從來不好，我亦相信B公司清楚知道你阿頭對他們的敵意，決定請你不過要你自行解決你阿頭，明知非常難為，硬是要你為難，夾在中間兩面不是人，到頭來你阿頭企硬，你除了焗走還有留低的機會及理由嗎？我懷疑到底人哋幾有誠意邀請你，還有背後究竟有沒有甚麼企圖及意圖。
很簡單，你問一問對方人事部，要是你願意馬上辭職6個月後他會不會請你，你就知對方究竟有沒有誠意。不過事到如今，阿頭經已知道你有離心，還想盡辦法鍥而不捨要他大方成存你，B公司份工成不成也好，你想不走恐怕亦不能！
張慧敏
http://www.facebook.com/HKcareerdoctor