鄭明明昨晚廣邀圈中名人明星出席在灣仔會展舉行的「國際斯佳美容協會35周年紀念晚宴」，莊思明、莊思華、張慧儀、蔡李惠莉等盛裝出席，徐子珊、李彩華谷出超長事業線，朱慧敏和楊思琦則露玉背，但似乎不敵60歲的劉曉慶露得最多，透視湯碗巨胸。
早前被踢爆背住女友麥明詩夜會索女的林作，與媽媽Lily一齊到場，但麥明詩臨時甩底，記者追問新抱仔呢？林作笑笑口說：「邊個先？」林媽媽即截停說：「你唔好亂講嘢。」林作即乖乖收口：「佢未必嚟，做緊嘢嘛。」
死撐係烏雲
林媽媽被問是否很想麥明詩做新抱？她說：「佢幾好幾乖，我都叫佢（林作）要乖，叫咗阿仔要生性。」林作忍不住又駁嘴：「佢係誇張派。」林作風騷表示已𠱁掂女友說：「冇乜雨，微雨啫，係都係烏雲。」此時，林小明前妻趙雪英特意走來取笑林作媾女說：「係咪衰呢，抵死㗎佢。插佢啦，插佢啦，我講吓笑啫。」林作和林媽同聲說：「無辜㗎！」記者問有否需要公開向女友講「我愛你」？他說：「如果我瀨咗嘢就會，但𠵱家都冇乜點瀨。」
冤家零交流
另外，曾傳反臉的羅霖和黎燕珊冤家路窄，昨晚差不多時間現身晚宴，並被明明姐拉埋一齊影大合照，不過兩人全程零交流，影完相即時彈開。表現風騷的黎燕珊表示沒尷尬，並說：「唔會，大家都有聯繫，一齊有讀經嗰啲，唔好記住以前誤會嘅嘢，講番𠵱家嘅工作啦，好開心呀！」
張文慈早前在微博踢爆好友李麗珍與潘源良分手，她否認陪珍妹去台灣散心，她有點驚青說：「我哋主要醫隻腳。」有傳珍妹「榨乾」潘源良近千萬，及分手導火線是珍妹女兒，張文慈都表示不會代友回答，問是否珍妹有微言？她說：「佢知我冇做一啲佢唔知嘅嘢，其他唔答嘞。」
採訪：羅慧敏、盧妹
攝影：陳志嵐
