記憶卡又有新產品落場，睇名都已經非常勁，係SanDisk Extreme PRO microSDXC UHS-II！只有兩種容量，分別為64GB（$780）及128GB（$1,550）。唔留意開卡價行情的人，未必馬上意會到乜事，我們以次一級、現在最多人買來拍4K片的UHS-I microSD卡比較，現在的行情是32GB（$185）、64GB（$295），兩者價格差距可以用幾倍來形容！不過讀寫速度亦一樣，UHS-I最高速度多為95MB/s（633X），而新款天價的UHS-II最高速度為275MB/s（1,833X），佶價咁貴，都唔係冇原因！
不過話時話，當UHS-I都能對應現時4K的高畫質，市面上還有甚麼數碼設備，需要購買如此高速的記憶卡呢？Sales都實話實說非常少，估計可能專業電影製作人士先會對佢有興趣；不過另一邊諗，卡仔的速度再進一步提升，是否意味嚟緊相機的連拍相片張數，以至高速拍片能力都可進一步提升？的確令人相當期待。
查詢：展昇（深水埗黃金商場地面42至44號舖）
記者、攝影：朱崇德