按揭花款多又新、買家入市要小心。這句套用King Sir（鍾景輝）的廣告包裝一下，新地（016）旗下元朗新盤Park Yoho 1B期，加入多項條款三級制，其實只得吸換樓客比較有新意，花招多不及價錢吸引。
好地地又會點解把層樓轉按給新地再重新供過，若真要換樓，業主自然有錢轉購，何須貪你嗰25%按揭，正如有街坊話都係要還，正因過去四年（2012年SSD後）被辣招所縛，一買入便要守行為三年，好人好姐點會把一層剛買了兩年的樓放出，跌價又要畀額外印花稅，對於持有一層樓多年快供滿的業主，又要差發商展錢又要重新供過，層樓好平好抵呀，老樓唔覺囉。
有樓的買家，主要睇兩樣嘢，第一價錢、其次租金，在淡市中若要換樓，除非那層樓十分便宜，對那些已先沽後買的曾是業主並不適用，故沒有可博的價值，不如住番自己層樓算吧啦！買樓收租，同區同系新盤租金又比不上市中心，也不知租畀咩客、航空公司員工嫌交通不便、外國人喜歡住小島、後生仔或選村屋，這三類鐵膽客也不會多，莫非租畀退休人士咩。
老爸教落，「邊度有咁大隻蛤乸随街跳」，羊毛出自羊身上，與發展商對賭，他們輸無所謂、買家輸變債仔，樓市尚未復蘇，買家要計清楚自己條數。
劉兆昌
資深地產傳媒人
http://www.HKLau.com
本欄逢周五刊出