英國下周脫歐公投前，全球股滙債都超級波動。股市陰乾不提也罷，但放暑假前夕，最多人關心是宜家唱唔唱yen，怕等得越耐，yen越升越多，屆時遊日恐怕要食少餐、買少件衫。
睇圖表，日圓係2011年10月底最高見10.27算，最低係去年6月頭的6.16算，黃金比率反彈0.236，就是7.13，下一站就是反彈0.382水平，即係7.73算。如果下周成功「脫歐」，全球資金會一窩峰搶入美元及日圓避險，屆時升上至8.2算，絕不為奇，此水平亦是黃金比率反彈的0.5倍。
日圓升，日央行會否干預，答案是入市都嘥氣。日本十年期國債孳息今早曾低見負0.2厘，明知冇息都要搶住要，日圓想跌，短期好難。
股榮
https://www.facebook.com/stockwing1/