禮拜日沙田九草兩泥賽事，草地用C加3欄作賽，睇番最近5月14日同一移欄六場轉彎路程賽事，分別有「多多快」、「海嵐一號」、「風火勁駒」及「精氣神」放頭或守第二位入直路勝出，可見前置馬在狹窄賽道始終比較有利，具前速馬匹仍然要優先留意。
今戰列陣馬中，尾場「海嵐一號」上仗正是於5月14日田C加3欄一放到底，等番同一移欄續配蔣嘉琦上陣，有力重施故技。另外，第十場「好健康」係全場唯一贏過C加3欄之參戰馬，憑較佳場地性能可重開勝門。
至於兩場泥地均跑1200米，最近兩場同程頭馬「旅遊一哥」及「機緣再現」均藉一檔之利勝出，二場「紅旗飛將」及六場「及時取勝」抽得一檔可秤先。