【本報訊】上海迪士尼樂園昨開幕，試營運期間曾到當地的迪士尼迷直指樂園「大而無實」，設計不佳，且太富「強國特色」，如泰山要賣藝耍雜技、公主換上土豪金裙，有員工更會呼喝遊客，缺少了迪士尼的元素。
本身為迪士尼迷、來自香港的大學生Thomas，於上月上海迪士尼試營運期間率先試玩，他指上海迪士尼的園區空曠，但設施的佈局設計上卻遠不及香港和東京，「佢哋每一個設施都分得好散，要行一段路先去到，得個大字。」
他認為加入中國元素迎合遊客是理所當然，但有些地方卻完全不配合迪士尼原有的氛圍。「我睇過一個泰山嘅show，咁我哋一直睇開迪士尼嘅show都係唱吓歌呀、跳下舞，但佢全程三十分鐘都係耍雜技。」他又指，樂園內其中一個環節「金色童話盛會」中，所有公主都換上金色服裝，畫面「難啃」。
中國元素不配合原有氛圍
但Thomas認為園內的遊樂設施設計認真和仔細，令他十分驚喜，「裏面個海盜園區有個場景係坐喺架船度行緊，隔籬有兩架海盜船喺度開緊火，嗰幕係真係好震撼」。
另外，他表示當地樂園工作人員接待遊客時亦較生疏，個別店舖甚至呼喝遊客，「好似見到有間舖幾靚，喺外面影張相，佢即刻行埋嚟㩒低你個鏡頭」。他稱一年內都不會再去上海迪士尼，亞洲區內的香港和東京迪士尼更吸引。
日前到香港迪士尼遊玩的大專生區小姐指，上海的票價雖較低但仍欠吸引力，園內設施加入中國元素亦相當奇怪，「好似為咗迎合中國人需要而起，就改咗佢本身自己有嘅特色」。北京旅客高小姐於上海迪士尼開幕期間，仍選擇來香港迪士尼，她認為包含中國特色的迪士尼樂園吸引力不大，「我認為最吸引到我的應該是那個氛圍和樂園裏的環境，還有卡通人物」。
■記者鄭文懿