哇哇哇！以「殺人壽司店」之名揚威日本既明將壽司，繼紅豆奶油壽司、可樂果凍壽司後，再創新猷。有網民爆料，呢間壽司「名店」最近推出綠茶雪糕壽司，又凍又甜嘅雪糕、暖熱嘅壽司飯再加上紫菜嘅香脆，究竟會產生乜嘢化學作用？據網民Edward Yip說：「酸嘅飯加炭味紫菜加綠茶雪糕，應該係分開三樣食嘅，一齊食都得，一定要快，千祈唔好等雪糕溶咗落飯度，之後要記得要飲多杯水，唔係會出事……好驚險嘅下午茶，劣食嚟講我哋真係好歡喜呢度。」呢個綠茶雪糕賣14大元，網民話似係中伏居多，不過記者就覺得將港人最鍾意嘅元素沙埋一碟，其實都幾有「橋」既！大膽嘅人不妨一試。
記者：何嘉茵、謝翠玲
相片來源：Edward Yip