巴西堂堂五屆世界盃冠軍，原來仲未拎過奧運男足金牌，今屆里約熱內盧奧運有主場之利，本來都值得睇好，點知臨開波前風雨飄搖。國家隊教練鄧加因為美洲盃出局而落台，由哥連泰斯教練迪堤接手，但迪堤又唔會帶兵出戰奧運，由U23教練米卡利掌帥。米卡利雖然歷任甘美奧、明尼路等青年軍教頭，教𡃁仔有一手，但始終冇一隊教練經驗；奧運都算係大賽，真係唔知米卡利臨場指揮掂唔掂喇。