台灣可愛教主楊丞琳和內地歌手李榮浩的姊弟戀打得火熱，前日本報讀者吳小姐透過「爆相爆片」報料，直擊兩人在日本新宿拖手濕平的甜蜜畫面，從短片所見，楊丞琳體貼陪男友在商場男裝部揀衫，着一身牛仔型look打扮casual，沒有藝人三寶：黑超、口罩、帽傍身，反而李榮浩就戴賊仔帽遮樣。雖然日本是華人的旅遊朝聖地，但兩人都不怕被認出，很自然地十指緊扣放閃。
齊睇黑超
前日吳小姐以短訊回覆《蘋果》：「下晝3點左右，喺新宿伊勢丹男裝部見到楊丞琳同李榮浩，當時佢哋試緊太陽眼鏡，兩個都有睇，但就唔知邊個買。行商場嗰陣，楊丞琳成日都周圍望，過咗一陣，見佢哋買完嘢，楊丞琳就拎住個袋同攞住張單，之後再拖住手去睇衫。」
對於被爆蜜遊日本，楊丞琳經理人公司回應：「這是藝人的私事，經理公司不方便代為回答，謝謝關心。」李榮浩所屬華納唱片亦表示：「藝人私事不多做回應，謝謝大家。」
補祝生日
楊丞琳和李榮浩於兩年前傳緋聞，去年7月，有內地傳媒影到楊丞琳完成工作後，直奔男友的寓所短敍3小時，之後李榮浩親自駕車送她到機場，兩人戀情正式曝光。去年9月，李榮浩在長沙錄影電視節目時，被追問感情狀況，終於承認「已在戀愛」，之後兩人越愛越大方。本月4日是楊丞琳的32歲牛一，當日男友第一時間在網上送祝福，今次兩人蜜遊日本，不知是否為女友補祝生日之旅呢！
採訪：王梓嫚