藝人對民生、政事通常漠不關心，但蒙嘉慧（YoYo）卻願意多行一步，僅收車馬費接拍港台處境劇《有倉出租》，望帶出民生問題，讓大家反思。有傳聞建制派不滿《頭條新聞》這類節目，借機否決新大樓撥款，日前她接受本報專訪時大嘆謂：「諗到大樓起唔到都幾失望……以前喺TVB多掣肘，話難度期，但我就話唔緊要，瞓少啲都批畀佢哋。」
撰文：嵐山
蒙嘉慧自從嫁予鄭伊健後，就變成幸福少奶奶，可以選擇自己喜歡的工作。她在2013年回復自由身後，一直未有回巢幫無綫拍劇，反而替出名酬勞低，只得車馬費的港台，連續拍《女人多自在4》、《火速救兵》系列、《醫護人生》等節目，又嘗試首次執導演筒。YoYo日前與新處境劇《有倉出租》監製羅志華在港台大樓接受訪問，YoYo大讚港台節目製作認真：「因為港台係政府部門，好多人覺得佢哋係政府喉舌，大把錢使乜你幫吖！但入過嚟港台做嘢，睇到廠房滴水嘅新聞，就知呢邊真係好缺乏資源，所以我覺得更加要幫，每次諗起大樓起唔到就會幾失望。」
一早有樓
是否收「搭膊頭價」？YoYo笑說：「我係好想幫一班有心做嘢嘅人，記得以前喺TVB試過幾次，港台搵我，但因為前公司有好多掣肘，話難度期，但我就話唔緊要，瞓少啲都批畀佢哋。」她建議自由身的藝人不要太計較，寄望同業更加團結。監製羅志華則說：「其實港台以前都有拍處境劇傳統，但資源問題停咗幾年，𠵱家有個台（新免費電視頻道），其他廠可以退開少少，又搵到少少錢畀演員，咁車馬費都要㗎。」
YoYo對金錢看得開，被笑有老公養，YoYo笑住否認：「唔係，咁我以前經理人好好，一早教我賺到錢要買樓，所以𠵱家生活唔使太擔心。」
生B隨緣
不過兩夫婦真的好恩愛，早前YoYo被指穿白恤衫襯工人褲扮𡃁妹，老公即替老婆解釋是戲服，YoYo說：「係啦，但真係肥咗，比標準時108磅肥咗十幾磅，仲畀人傳我有咗，真係要檢討吓。」她透露前年與老公慶祝結婚周年時去日本滑雪，不小心跌倒致膝蓋韌帶撕裂，現在傷口癒合情況理想，問會否考慮生BB？她說：「我諗年紀大嘞，真係隨緣，但唔希望係，因為見人哋做阿媽好辛苦，我都好驚壓力好大。」
