早前頻頻曝光嘅前財爺梁錦松，近期幾乎冇咗影，外界都估佢應該打消咗參選特首嘅念頭。冇見一排嘅阿松，噚日再露面，莫非又回心轉意，想同CY惡鬥一番？睇落唔多似，阿松一向推動惜食運動，噚日以惜食堂主席身份亮相活動亦唔多奇，環境局局長黃錦星都有捧場，當然唔少得被指好似局長嘅大嘥鬼，兩個同阿松一齊影相呃like。
其實呢個係「愛食物惜地球之惜食咪嘥」活動啟動禮，冀透過藝人參演嘅宣傳片，以及派發便攜摺叠式及可循環再用嘅「惜食咪嘥飯盒」，鼓勵市民外出用膳時Bring Your Own Box，以便打包剩食，避免浪費。