跟環球唱片合作18年的李克勤，有傳在容祖兒拉攏下，獲英皇以3,000萬利誘過檔，有指克勤自覺在公司不及陳奕迅得寵，加上環球跟無綫反面，流着「大台血」的契仔克勤無着數，所以心郁想過檔。跟克勤情如父子的譚詠麟，昨日在黃埔出席填詞人向雪懷作品演唱會記招，替克勤默認過檔消息。
餐廳開分店
阿倫被問到知否克勤3,000萬過英皇？他爆料說：「佢動向會知，咁大個人，21歲已成年，有自己選擇。」是否很不捨？他坦言：「冇法，都有少少！半年前已經知道，佢有同我傾過，我話as father或family身份，如果人哋出得起一個數目，可以考慮，我聽番嚟唔係咁少。」
有否勸克勤留低環球？阿倫說：「冇得勸，佢出去打拼吓都好。」問到還有機會開左麟右李演唱會？他無奈說：「每間公司方向唔同，自己覺得好難。」
本報向環球求證克勤離巢，發言人承認：「克勤會離開公司，傾埋餘下細節就走。」但英皇CEO吳雨卻否認克勤過檔：「冇咁嘅事。」另阿倫和克勤有份投資的左鄰右李餐廳在銅鑼灣逆流而上，開第四間分店，月租10萬。
狂玩關淑怡
此外，昨日阿倫在記者會連番玩關淑怡（Shirley），先扮扶她上樓梯，笑說：「你今日幾精神，我又驚你甩鞋。」事關早前她在個唱仆倒，要阿倫幫她挽鞋。當Shirley介紹向雪懷填詞的《難得有情人》時，阿倫又取笑：「聽歌名就知跟人。」事後Shirley受訪說：「佢搞笑啫，多謝佢祝福，自己冇諗搵情人。」
同場的鄺祖德之前對號入座暗寸陳慧嫻「趕夜機只會變儍女」，問到有否跟慧嫻聯絡？他表示不評論，對於被網民狂轟，他說：「自己會反思。」
採訪：曹家誠
攝影：陳順禎