鄭欣宜前晚到中環出席紀錄片《她非它》首映，父親節將至，她表示未想到怎樣跟爸爸鄭少秋慶祝：「我啱啱返香港，之前自己生日，爹哋都未同我慶祝，諗住一次過囉，都係食飯，冇驚喜㗎。爹哋有聽我嘅新歌《女神》，佢話幾好聽，佢多數都係讚，好少批評話唔鍾意，因為我係佢個女。」
同場穿deep V的Ana R.不敵美魔女羅霖晒半球性感，羅霖坦言被囝囝催拍拖：「頭兩年係冇，近年見我做嘢辛苦，都叫我搵番個男朋友，但近呢兩年經濟差，安定啲先，自己都希望可以搵到，但要過囝囝關，自己追求簡單生活，年齡唔重要。」
採訪：黃曉妍
攝影：仇志德