神奇小子曹星如（Rex）上月取得19連勝，下一場有望挑戰世界冠軍、日本拳手河野公平，問鼎世界級拳王寶座。28歲的Rex出道5年，在擂台上從未輸過，相信大家都有很多問題想問他。Rex一落擂台就超級怕醜，總是答到一半就傻笑，遇上小朋友問他每日要練習幾多分鐘，計極都計不到六個鐘等於幾多分鐘，要經理人從旁提醒。
一一解答大家問題後，Rex向記者鞠躬抱歉答得不好，誠意十足有禮貌，計我話仲可愛過仲基Oppa，難怪fans男女老幼都有。我們收集街坊問題時遇上一個旺角報紙檔叔叔，跟我們說不想問Rex問題，但想向他說出一句香港人最想對他說的話：「加油呀！支持香港拳王！」
問：點解平時咁斯文，但上到擂台咁好打？
答：斯文其實係屋企爸爸教，好唔好打的技術是拳擊教練教，所以最重要是聽教， 學好啲！
問：你每日要練習幾多分鐘？
答：死啦，要計數！每日六個鐘，六六三十六，三百六十分鐘。
問：你們辛不辛苦的呢？
答：辛苦的，但辛苦才好玩！
問：平時比賽完見你好傷，口腫臉腫咁，但又很快變番靚仔喎，識得還原靚靚拳？
答：其實每次比賽後都要一個月先復原，塗藥膏、敷雞蛋，最重要是休息。
問：你現在有甚麼夢想？做到未呢？
答：希望可以做世界拳王，現正向這個目標進發。
問：我想問你平時比完賽最想做的第一件事是甚麼呢？
答：最想就是見家人，因為比賽前要到外地集訓，沒有時間可以見到他們。
問：除了打拳，你平日最喜歡做甚麼？
答：平日最喜歡睡覺、吃東西，整個人放空就最好。
問：你幾時會和老婆生番個小拳王呀？
答：未決定，未知幾時。
問：如果你生小孩後，他長大又跟你說要打拳，你會阻止他嗎？
答：他想做就一定OK，最重要是他的意願。
記者：陳穎欣
攝影：鄧鴻欣、梁志永
