當這世界連另一半都可以拍賣，bid個午餐又有何出奇呢？上星期ebay就有人以匿名身份，以3,456,789美元（約2,700萬港元）bid得世上最貴午餐，也是ebay歷來最貴的單項拍賣。為何咁貴，因為是與股神巴菲特一齊用餐！這個名為「Power Lunch With Warren Buffett」的午餐拍賣會始於2010年，由巴菲特已故妻子Susie Buffett發起，十多年間成交價已由最初的25,000美元升至2012年的3,456,789美元，今年則同樣由匿名者平了拍賣紀錄。
2,700萬港元，對身家660億美元的巴菲特來講，真係蚊髀與牛髀，這筆錢會直接資助慈善機構Glide Foundation，以幫助貧困人士等。2,700萬連超跑都可以買好幾架，用來食個午餐，又值唔值得呢？按照以往慣例，競投者通常會在午餐期間與巴菲特交流投資心得，分分鐘一個意見已經值回票價，又難怪每年都有人爭住與股神食午餐。
記者：劉東佩
