每年馬會主辦的「最受歡迎騎師」選擇，是無篩選下全民普選揀出來，今屆最受歡迎騎師周日就會截止投票，蔣嘉琦雖然人氣急升，但暫時她只攞到29.0%選票排第二，落後34.2%的冠軍騎師莫雷拉約5%。
其實嘉琦選情告急都可以理解，因為莫雷拉太強了，今季贏了151場頭馬(截至6月12日)，幫過好多馬迷贏錢，梗有感情分因素。就連「首飾太陽」馬主董滿輝，亦說未係時候投嘉琦一票。董滿輝說：「我都是鍾意雷神多些，他贏了咁多場馬。師妹(嘉琦)都是等她慢慢成熟，日後再選她！」
不過，嘉琦妹的FANS都唔少，如「幸運如意」的女馬主溫佩珊，就表明投嘉琦一票：「我這一年接觸的嘉琦笑容好甜，又勤力，又聽師傅話，所以一定支持嘉琦！」而「瑰麗傳奇」馬主文壽強亦說他的心水是嘉琦：「今年的表現嘉琦真是好有驚喜，所以最受歡迎騎師我揀嘉琦。」
「包裝」系馬主李文斌，就講出嘉琦究竟有甚麼優點。他說：「由季初她冇咁好表現，一路睇住她進步，我相信香港人都好開心見到本土優秀騎師誕生，我的『包裝鬥士』曾配嘉琦出賽，呢個女仔好堅定，有自己想法。我跟她交談時，她已經做了功課，她有建議點騎或不應該怎做，好有誠意，我都好開心。」
如果嘉琦最終後來居上當選最受歡迎騎師，將會是2003至2004年馬季有這項選舉以來，首位當選的本地騎師，可謂意義重大。
http://campaign.hkjc.com/ch/2016-se/mphj-details.aspx