老董睇住貓紙甩甩咳咳說：回歸19年，管治愈來愈困難。林鄭和應，但位高權重的司長沒打算查找不足，點解？心照！自己香港自己拆解，所謂管治，其實是官威壓頂：
1，從689山頂僭建到退休高級公僕霸官地起石澳後樂園，統統搵市民笨！港豬驚醒，陳先生冇講錯，中國人，是要管的！香港官，是無皇管的！官唔管官，香港急速中國化！
2，建制議員A打尖入公院割左耳粒瘜肉，請問高局長，有幾迫切性？建制議員B，老婆生仔寫信給醫生要求跨區入心水醫院，全港每日咁多仔生，請問高局長，有幾迫切性？被管的市民被打尖，被搶床位，自身權益被建制保皇黨厚顏無恥掠奪，港豬就算厚皮，針已經拮晒入肉，迫切到爆！
3，本地紙媒生存空間收窄，全港只有環球時報一報專政！河水徹底犯井水，井底的蛙，等煮熟做田雞煲前，奮身一jump，向林鄭宣示：蛙可煮，但難叩！
4，處理個女一件手提行李都攞盡特權的梁特，管教不善。他唔敢撐的香港足球代表隊，踢出佳績，金Sir幾時呻過管治困難！馬逢國有伴了，等埋梁特，擇日「去食屎」！