30歲嘅英國網球手占美梅禮一直活喺細佬梅禮嘅陰影之下，不過終於畀佢威番次嘞。舊年占美梅禮幫英國贏咗台維斯盃，之後今年年頭又喺澳網贏咗男雙，正式成為世界冠軍同大滿貫雙打冠軍，所以亦喺英女皇壽辰獲得OBE勳章，以表揚佢對英國網球壇作出嘅貢獻。咁都未算，消息仲話佢已入選英國隊參加今夏嘅里約熱內盧奧運，只係等官方公佈。