正當大家將注意放晒喺歐國盃之際，愛華頓密密做嘢，佢哋喺噚日朝早宣佈，委任前修咸頓領隊朗奴高文做主帥，簽約三年，頂替上季尾被炒魷嘅馬天尼斯；相信佢哥哥艾雲高文都會一齊轉會，繼續做佢副手。伊朗富豪莫斯里今年初做咗愛華頓大股東，諗住大搞，盛傳會畀一億鎊高文買人。其實，淨係撬高文過檔，據報愛華頓已經賠咗500萬鎊畀修咸頓，另外朗奴高文喺「拖肥糖」嘅年薪高達600萬鎊（約6,600萬港元），所以話莫斯里真係出手闊綽！