英軍首戰大好形勢下失分，幾乎全世界鬧爆鶴臣（圖）：用人錯（史摩寧打正選？）、排陣錯（朗尼踢防中？）、部署錯（哈利卡尼開角球？）、應變錯(臨尾要守換入韋舒亞？）……其實千錯萬錯，都係錯在贏唔到波。試想：如果卡尼開的角球被基斯史摩寧頂入、踢防中的朗尼後上勁抽那腳入了、又或是最終赫特沒被那記頭槌笠死，賽後評語可能又是另一個世界。
有人認為足球場乃英雄地，當然是戰果論英雄。但如可撇除戰果，單看場上表現，上半場圍攻對手，行軍速度高，前場走動靈活，攻門機會多，其實很久沒見過這樣有朝氣和活力的英軍。
你可以怪上半場多次射門未能把握，英軍球員們不夠冷靜和經驗；但這亦反映英軍另一特點：年輕。平均年齡只有25歲半，英軍為24隊中最年輕的。比以往保守地由大部份年近三十的大牌球員擔正，這支英軍或許不夠經驗，但卻充滿活力。年輕和速度，不就是現今足球的兩大要素嗎？
其實2014世界盃後已有人高呼「踢走學神」；但在我心中，近二十年英軍教頭中真正無能者，只有為擺姿態高調踢走碧咸、最終未能出線2008年歐國盃的麥卡倫。上屆歐國盃八強僅以12碼負予當屆亞軍意大利、今屆外圍賽創下10戰全勝紀錄，就是鶴臣的戰績。憤怒的英軍擁躉，看完明晚對威爾斯一戰再定奪吧。
方柏翹