【得不償失】
經濟不景，企業為節省成本，資訊科技（IT）部門往往成裁員的「炮灰」。九巴和國泰航空先後以外判及重組為由，多名IT部員工「被離職」；本月初東亞銀行裁員180人，當中也涉及IT部員工。資訊科技界立法會議員莫乃光直言，若企業只求慳錢裁減IT員工或外判工作，隨時因小失大，「遲啲就會後悔，項目管理得唔好，甚至會爛尾」。
莫乃光指出，發展資訊科技可為企業帶來長遠的成本效益，無論短期或長期都要投放資源，因屬開支部門，而非如銷售等「搵錢」部門，故當經濟環境轉差，經常成企業首要裁員目標。
政府外判開壞先例
但莫乃光批評這是過時的管理觀念，「只係為交數、交幾多人出嚟，覺得（IT）係成本，就斬咗佢先」。他直言，若企業只求一刻慳錢，削減有關開支或將工作外判，最後可能得不償失。
「項目管理得唔好，甚至會爛尾；外判畀人，又要搵人管，可能成本仲高」。莫乃光表示，除經濟原因外，政府對創新科技的發展，尤其人力資源方面，「冇做過任何嘢」；更帶頭外判政府的IT工作，私人企業爭相仿效，造成惡性循環。
■記者王家文