夏天到咗，騷身材常識吧，但有陣時，都真係睇吓唔夠料先好騷。
講緊嘅係大台小花吳若希，佢最近喺Instagram貼咗張着住深藍色deep V晚裝嘅相，仲留言話係「連戲裙」，估計係佢拍劇開工期間，貼少少咁多花絮餵吓粉絲。不過，除咗一班話佢性感同叫佢「互」（互相關注）嘅網民留言之外，竟然，有比較坦白嘅網民留言：「無胸」。
再睇番張相，見吳若希叉腰微微彎身咁擺甫士，唔留意嘅可能以為佢肚痛或腰痛，睇真啲，喺個V字領口底部，微微哋都見到個陰影位，雖然同大眾認知嘅事業線有相當大嘅出入，不過，應該都係屬於事業線（雖然就弱咗少少）。其實吳若希噚日都有貼同一套衫嘅相上Ig，嗰張係面面企定望鏡影嘅，唔係特唔特別啲，至少，望落去冇咁覺佢事業（線）弱吖嘛，故事教訓大家，影相嘅角度其實都相當重要。
網民除咗好留意吳若希嘅身材之外，有網民仲發現佢腋窩唔係咁清潔，提醒佢要剃毛呢