【本報訊】商台DJ唐劍康（當奴）昨已出院，但手甩骹兼骨裂，須打石膏及休息數天。據悉疑兇過去半年瘋狂跟蹤她，DJ Colin和監製Jacky曾阻止疑兇接近麻利，因而被襲，當奴卻慘遭「殃及池魚」致受傷。
三男前晚遇襲，當奴傷得最重，他被扑穿頭須縫兩針，手又要打石膏。當奴昨晨出院時指「頭部傷口唔深，一個星期可以拆線，手脫骹有少少碎骨，三、四星期可拆石膏」，他請假休息數天。當奴不認識兇徒，曾聽聞同事受到狂迷騷擾。被問及會否擔心狂迷再騷擾DJ，當奴說：「交畀警方處理，好多時我哋控制唔到。」
目標為Colin和Jacky
有指疑兇前晚先襲Colin和Jacky，Colin昨出院後戴口罩返商台，左臉仍見瘀痕，他指曾在商台門口見過對方，但否認因保護麻利而觸怒疑兇，僅稱「麻利驚咗佢，想走時我哋陪佢落樓」。Colin表示大家對疑兇已有戒心，有次在停車場撞個正着，即報警求助，「警方話唔可以告佢啲乜，行徑係鍾意偶像，冇構成威脅同滋擾，出嚟結果就咁」。Colin放假一周，否認跟襲擊事件有關。
Colin懷疑兇徒前晚由商台跟蹤3人到九龍城的餐廳後施襲，「我諗佢想下馬威，佢打完即走」。他指該兇徒打人前一言不發，他不明為何被針對。他形容該狂迷年約20餘歲，頭髮中間分界、眼睛細小，「佢明知麻利避佢都死纏爛打，正常人唔會咁做，之前我哋反追蹤佢IG搵線索，原來麻利po文之後，發現佢去同一地方影相」。
商台總經理陳靜嫻昨有到醫院了解情況。商台昨只有一位保安在正門看守，問到會否加強保安，商台回應：「本台已經同所有保安同事講述有關事件，並加強注意電台周圍的情況，如發現有可疑人物，本台將緊密與警方聯絡。」
■記者吳耀輝、潘冠恩