真係安樂晒，講嘅係一眾中國女排靚女隊長惠若琪嘅粉絲。中國女排原本前晚抵達澳門，準備出戰周五起嘅世界女排大獎賽，但當時唔見惠若琪影蹤，好彩佢噚日終現身澳門綜藝館，即係話惠若琪下周一都會跟埋嚟香港站啦。呢位現年25歲嘅隊長，一直受心臟問題困擾，剛結束嘅中國站都冇出席，今次嚟到澳門又有出席訓練，相信佢身體已冇大礙。