周大福（1929）第三代接班人鄭志剛出名多諗頭，最鍾意將生意融合藝術，估唔到佢仲要加埋科技元素，此話何解？話說周大福噚日出咗最新年報，隨便望一望個封面，唔知仲以為係邊間科技公司，上面大大隻字寫住「Smart+」與「Innovation」，好難即刻將佢聯想到金舖。大概呢個都係鄭志剛嘅構思，佢近年一直想將周大福品牌年輕化，推網購之類。公司講嘅Smart+，就係將科技配合管理、生產，多推動網上與實體店協同效益等等。都啱嘅，家陣自由行少咗，都唔使開咁多實體店，香港地咁細，咁多金舖做乜啫。