海潮溫碧霞早在1992年劇集《火玫瑰》已大玩露膊，絕對是跌膊始祖，這次她出動私伙，親自示範這股由今年春夏hit到入冬的潮流，「我覺得女人嘅肩膊好靚，着一字膊或者露肩衫，感覺性感啲，有女人味啲。」
入得Office
海潮平日出街、度假最愛穿off shoulder設計，穿露肩衫返工，why not？海潮示範以tube top配襯，「上班可以露肩衫加及膝裙，或者西褲，喺office都着到，可以加番件背心，即刻好型。」其實換作貼身剪裁的off shoulder上衣亦可，配背心外套，自行打造膊位cut out設計。
忌多頸鏈
在ball場最常見到off shoulder晚裝，海潮愛揀隆重的連身長裙，更提醒戴飾物的大忌，「最好唔好戴太多頸鏈，佢騷到你個膊，最緊要係乾淨，反而可以戴一對好靚嘅耳環。」選擇two-piece赴會亦可，「下身襯啲sharp color、好闊身嘅長裙，襯西褲都得。」
運動保養
海潮一角成為經典，溫碧霞笑說露膊成為她的簽名式：「當時拍海潮我着嗰啲露肩裝比較少興，因為我覺得自己着得好睇，都係自己mix & match，其實有少少似𠵱家興嘅裝扮。」24年過去，現年49歲的溫碧霞保養靚膊得宜，「當然要搽cream啦，其實要膊頭靚，成個身形嘅線條都好緊要，所以平時我keep住做運動，瑜伽好多pose都係拉筋、伸展，令女仔成個線條靚好多，同埋個人好瞓啲、健康，最主要係relax。」
