陳妙瑛、羅霖、琦琦和方健儀等昨晚在灣仔伊館出席髮型化妝比賽頒獎禮，陳妙瑛透露近日忙於搞化妝學校及乳酪、朱古力店生意，還有埋調理身體。問到為何要調理身體時，她表示十多年前為無綫做慈善騷，因爆破環節受傷：「當時喺個箱入面，擺咗二百磅炸藥，炸咗二千磅力出嚟，可能冇咁嘅預備，雖然有戴耳塞，耳膜冇事，不過可能震到內傷，由嗰日開始每日都周身痛。」陳妙瑛指當年大會要求她着泳衣落水捉八爪魚，她說：「但係我真係唔想着泳衣，所以寧願玩高難度啲，但係我冇後悔做呢個表演。」陳妙瑛謂加上近年頸椎生骨刺，不停找中醫治療。
羅霖忙於打理洋酒生意，經常手機不離手，搞到差點被車撞：「有日過馬路明明見到係綠燈，行到出去冇諗到仲有車轉彎，好彩車速好慢，細仔即刻拉住我，叫我唔好用電話住。」
採訪：曹家誠
攝影：陳俊強
