若是沒有這意外，也許經已快樂地……1968年港大數學系一級榮譽畢業嘅立法會主席曾鈺成，人生旅途都遇到一個意外，但見佢𠵱家德高望重，似乎因禍得福。
話說當年曾主席考獲獎學金，原定赴美升學，卻意外遇到全球學運浪潮，大學紛紛停課而受阻；冇得「勾結外國勢力」，轉為喺培僑中學任數學老師，一教30年，九七回歸後創立民建聯，近年仲擔任立法會主席。
雖則政途戰績好彪炳，但曾主席細個其實係想做科學家，佢接受馬會刊物《駿步人生》訪問時解謎，話大學二年級跟媽媽返廣州，見到60年代中國嘅貧困，燃起做科學家貢獻國家嘅夢想。原來曾主席年輕時讀好多魯迅嘅文章，年紀越大卻越覺魯迅嘅部份文章太尖酸刻薄，唔夠溫柔敦厚喎。